Tengo gana de falar d'etnomusicoloxía, o meyor dicho de "etnomusicólogos". Póngome a ello; veréis que voi dar bastantes vueltes pa llegar a onde quiero llegar, pero la palabrería combátese con palabrería, supongo. Lo primero ye definir cuál ye'l sitiu de la etnomusicoloxía nel mundu de la nuestra música tradicional. Pa ello, hai que situar un poco la disciplina. Vamos ver.
Cuando voi a comprar al kiosko y calculo si tan dándome bien la vuelta, puede decise que hai una disciplina mui seria "planeando" perriba de toda esa operación tan simplaya: les MATEMÁTIQUES. Leibniz, Pitágoras, Newton... Yo nun toi metíu nel tema, pero ye evidente que hai un campu mui rigurosu ehí, capaz d'esplicame porqué 3x4=12, y de demostrámelo, lo que ye tovía más importante.